منتديات كل العراقيين


 
التسجيلالرئيسيةمكتبة الصورس .و .جبحـثقائمة الاعضاءالمجموعاتمركز رفع الملفاتدخول

شاطر | 
 

 [b]شرح الامثال في واقع الحال 2[/b]

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
abn aladamyia
¤©[£]عراقي شايل نفسه[£]©¤
¤©[£]عراقي شايل نفسه[£]©¤


ذكر
عدد الرسائل : 5
العمر : 38
تاريخ التسجيل : 01/07/2007

مُساهمةموضوع: [b]شرح الامثال في واقع الحال 2[/b]   2007-07-01, 18:11

عليه وعلى اعدائي (نظيم القاعدة)

تيتي تيتي مثل ما رحتي جيتي (معاناة العراقيين)

ان اكرمت الكريم ملكته, وان اكرمت اللئيم تمردا ( الاردن )

لا حظت برجيلها ولا خذت سيد علي (جبهة التوافق)

من تمشي تتعثر بيه .. ومن تريده ما تلكيه (الشرطة)

غراب يكل لغراب وجهك اسود (اتهامات بين اعضاء الحكومة)

طابوك نام ، شكنك كام (الاساتذة والعلماء ماتو .. والحرامية صارو فيكه)

لا خبر لا جفية لا حامض حلو ( جية بوش ورامسفيلد كلها مفاجئة)

يركض والعشا خباز (العراقي الشريف)

المنحوس منحوس حتى لو حطوابراسة فانوس (معاناة العراقيين مع الفيز والاقامات)

الچبير چلب .. الصغير چلب ابن چلب (بوش الاب وبوش الابن)

چانت عايزه.. التمت .. (فوك الكونكريتات كامو يفجرون جسور وانفاق)

بيدر الذهب هم يحتاج بيدر الدخن (احنا اهل النفط ... نستورد مشتقاته ؟؟؟)

جيب الليل .. وأخذ عتابه ( اذا عندك معتقل اتريد تعرف وين وليش ؟)

حضٌر المعلف .. گبل الزٌمال (المعلف ما حظروه بس جابولنه زمايل)

حظي بكل شي اسود بس بالرگي أبيض (عراقي مو بالحكومة)

حمارة القاضي .. عزيزة (اخت صولاغ بيومين جابوها .. والبقية الهم الله)

عداوة البزون والجريدي ( امريكا صارلها شكد اتدك علينا واكو ناس يكولون تحرير)

عباس المستعجل ( بصرف الفلوس والرشاوي)

ابرد من طيز السقه ( باعادة اعمار العراق)

عيسى انتچل على موسـىوضاعــت الجـاموسـة (الشيعة والسنة يتمالخون وامريكا ماخذه النفط)

صيف وشتا . . على فد سطح ؟ ( لا كهرباء لا بانزين لا مي صيف وشته)

دِخٌل لبيتك حرامي ولاتدخل بَنٌا ( مطبق من الحكومة دخلولنه الحرامية ... وماكو اعمار)

الفكر فوك البعير و عضه الجلب (عراقي راح للصومال ما حصل فيزا)

ما لقو بالورد عيب قالو خده احمر ( الكهرباء تنتل مو زينه عليكم)

ابن خالت الخياطة اللي خيطت بدلت العروس (حتى هذا حصل وظيفة من يم المسؤولين)

أبن الحلال بذكره ( الانفجار )

أنطي الخبزه للخباز (اهل النفط صاروا ضباط)

إيطلّع من الحافي نعال (ابو البلدية)

اسمه بلحصاد ومنجله مكسور (ناس اتداوم بالبيوت ويستلمون رواتب)

أحبك وانت لابسني ( التبريد )

أحترك الأخضر بسعر اليابس (مفخخات الاسواق تقتل السنه والشيعه)

أتعلّم الواوي على أكل الدجاج ( شوكت يعوفون الكراسي)

أكل ومرعى وقلة صنعى (البرلمان والوزارات)

باب النجار مخلع (ناس تحجي بالدين ولا دين لهم)

تمخض الجبل أُو ولد فار (صرفوا مليارات والكهرباء بالقطارة)

حجيك مطر صيف ميبلل أليمشون (القمم العربية)

خراعه خضره (رئيس الجمهورية)

درب الجلب عل قصاب (الاردن)

راح الاكو والماكو (العراق وثرواته)

راح دمه هدر (الشعب العراقي)

رزق الشباب ورا الباب (الاحزاب هيه الابواب لأن ماتشتغل الا بتزكية)

روحه بلا رده (انسحاب اي شخص من الحكومة)

شوفوني نجوم الضحى (خطط امنية خمس نجوم)

اللي يشوف الموت يرضى بالصخونة (شطلعنه لغير بلاد لوما الوضع ؟)

زاد الطين بله (كل مسؤول يصرح يزداد الوضع سوء)

الزمال ذاك الزمال، بس الجلال مبدل (صبغوا دباباتنه وباعولنياها)

الزمال يصير ادمي ؟ (سؤال لمن شاركوا في الانتخابات)

عامي شامي (رصاصات الجيش والشرطه)

شتحط الها وتطيب؟ (الوضعية)

شرادين بحلوك واويه (المتاحف العراقية)

شعره من جلد خنزير (الحصة التموينية)

شعيرك ولا حنطتهم (عدنه شعير ونستورد الحنطه من استراليا (ابعد مكان))

شعيط معيط وجرار الخيط (يقررون مصير العراق)

شفت بعيني محد كلي (ابو غريب)

الركعه زغيره، والشك جبير (توحيد صفوف العراقيين)

شكينا الدف، وبطلنا الغنا (بعنا بيوتنا وسافرنه)

الشمس ماتتغطى بالغرابيل (يطلعون دعايات (يمضون ونبقى))

شن هل اللذة من هالفكر (حواجز كونكريتية و فردي وزوجي)

شوفه حزن، وفراكه عيد (السيطرات مال علاسه)

شافنا سود عباله هنود (على ابو ديمقراطية وحرية)

صار تاليها انكس من اولها (والحمد لله)

صانوط لاموط، كلمن يحجي يموت (الانتخابات)

الصبر مفتاح الفرج ( حتى المفتاح مولس)

صبرت ببطن امك تسعة أشهر (مام جلال مجلب يريد ينفصل)

ضرطة بسوك الصفافير (حقوق العراقيين)

الطباخ ما ياكل من طبخه (طبخولنا حياتنا وماضاكوها)

الطبيعة تغلب التطبع ( كركوك عراقية)

طرطميس لا جمعه ولا خميس (الجامعه العربية)

طماطه، ترهم على كل شي (تغيير التشكيلة الحكومية مجرد مداورة الاسماء)

عادت المياه الى مجاريها (وكل المجاري طايفه)

علج المخبل ترس حلكه (كل مسؤول شكد حاط حماية)

عند البطون تعمى العيون (من يلغفون كلها تغمض)

غاب الكط، العب يا فار (والله دتلعب الجريدية)

غاسل وجهه ببوله (مستشار الامن القومي)

فص ملح وذاب (عزة الدوري)

فوك حكة دكه (يخطفون وياخذون الفدية ويكتلون)

كل لشه تتعلك من كراعينها (بلكي يسمعون الحكومة)

إلي ما إله أول ما إله تالي (للي جوي من ايران)

الميعرف يركص يكول الكاع عوجه (تبرير سوء الاوضاع بوجود الارهاب)

كومه حجار ولا هل الجار (ايران)

ياكلون تمري ويضربوني بالنوة (الاردن)

يشتري من عدّنا ثلج و يبيعلنا مّي بارد (كل الدول المجاورة)

تالي الليل تسمع حس العياط (الله يدري شظاميلنه بعد) كل العراقيين كل العراقيين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سيدالقلوب
¤©[£]عراقي رهـيـب[£]©¤
¤©[£]عراقي رهـيـب[£]©¤


ذكر
عدد الرسائل : 86
العمر : 26
تاريخ التسجيل : 27/11/2007

مُساهمةموضوع: رد: [b]شرح الامثال في واقع الحال 2[/b]   2007-11-27, 18:34

هههههههههههههههههههههه
شكرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
adam yousif
¤©[£]عراقي بالباكيت[£]©¤
¤©[£]عراقي بالباكيت[£]©¤


ذكر
عدد الرسائل : 1
العمر : 47
تاريخ التسجيل : 21/07/2008

مُساهمةموضوع: رد: [b]شرح الامثال في واقع الحال 2[/b]   2008-07-21, 23:52

حجيك ذهب و لا عاب حلكك حبيبي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lulueen
¤©[£]عراقي فضي[£]©¤
¤©[£]عراقي فضي[£]©¤


انثى
عدد الرسائل : 11
العمر : 51
تاريخ التسجيل : 25/12/2008

مُساهمةموضوع: واحد يحجي   2009-01-01, 22:35

[size=24]يسلم اللسانك سيدي الكريم
وهي قليلة بحكهم ولد البرتقالةولد الكيولية
بس لا ننسة انو احنة الي جبناهم وخليناهم ابهاي امناصب لاننا قمنا على انتخابهم
لاء لاء لاء لاء لاء لاء حرامات والف وسفة اشوكت نصحى [/size]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زيد الاديب
¤©[£]عراقي بالباكيت[£]©¤
¤©[£]عراقي بالباكيت[£]©¤


ذكر
عدد الرسائل : 3
العمر : 43
تاريخ التسجيل : 31/12/2008

مُساهمةموضوع: رد: [b]شرح الامثال في واقع الحال 2[/b]   2009-01-02, 18:53

خوش امثال بس اكو بيهن عيب ينشرن علمود الذوق والشرح قسم منه هوايه بي تجني
وقسم منهن ينطبقن على الموصوف مئة بالمئة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
[b]شرح الامثال في واقع الحال 2[/b]
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات كل العراقيين :: الأقسام الترفيهية :: منتديات كل العراقيين للنكت-
انتقل الى: